Til að knýja á um að aðildarríkin uppfylli skyldur sínar samkvæmt Samningi Sameinuðu þjóðanna um réttindi barnsins hefur verið sett á stofn sérstök nefnd um réttindi barnsins sem staðsett er í Genf. Aðildarríkjunum ber að skila nefndinni skýrslu á fimm ára fresti um það sem þau hafa gert til þess að uppfylla ákvæði hans. Nefndin fer yfir skýrsluna og aflar frekari upplýsinga um ástand mála í viðkomandi ríki, m.a. frá óháðum félaga- og mannréttindasamtökum. Þá mæta fulltrúar ríkjanna á fund nefndarinnar, gera grein fyrir stöðu mála og svara spurningum og gagnrýni nefndarmanna. Nefndin leggur síðan fram álit sitt á því hvernig til hefur tekist með framkvæmd samningsins og tillögur eða ábendingar til aðildarríkisins um það sem betur má fara. Aðildarríkjunum ber að birta skýrslur sínar og álit nefndarinnar opinberlega.

 

Íslenska ríkið hefur skilað þremur skýrslum til nefndarinnar og er þær og álit nefndarinnar að finna á vef innanríkisráðuneytisins:

 

 Fyrsta skýrsla Íslands um framkvæmd samnings á vegum Sameinuðu þjóðanna frá 20. nóvember 1989 um réttindi barnsins, gerð árið 1994.

 

Önnur skýrsla Íslands um framkvæmd samnings á vegum Sameinuðu þjóðanna frá 20. nóvember 1989 um réttindi barnsins, gerð árið 2000.

 

 

 

Þriðja skýrsla Íslands um samning Sameinuðu þjóðanna um réttindi barnsins, gerð árið 2008. (pdf)

 

Skýrsla umboðsmanns barna til nefndar Sameinuðu þjóðanna um réttindi barnsins 2010. (pdf)

 

Lokaathugasemdir nefndar SÞ um réttindi barnsins, dags. 6. október 2011. (pdf). Fyrstu tvær blaðsíðurnar hafa ekki verið þýddar á íslensku.

 

 

Ísland hefur fullgilt tvær valfrjálsar bókanir við samninginn um réttindi barnsins, sem gerðar voru í maí 2000, – annars vegar um sölu á börnum, barnavændi og barnaklám og hins vegar um þátttöku barna í vopnuðum átökum. Öðlaðist sú fyrrnefnda gildi þann 18. janúar 2002 og sú síðarnefnda þann 12. febrúar 2002.

 

Auglýsing um valfrjálsa bókun við samninginn um réttindi barnsins um sölu á börnum, barnavændi og barnaklám. (pdf)

 

Auglýsing um valfrjálsa bókun við samninginn um réttindi barnsins um þátttöku barna í vopnuðum átökum. (pdf)

 

Skýrsla Íslands um framkvæmd valfrjálsrar bókunar við samninginn um réttindi barnsins um sölu á börnum, barnavændi og barnaklám, júlí 2004.

 

Skýrsla Íslands um framkvæmd valfrjálsrar bókunar við samninginn um réttindi barnsins um þátttöku barna í vopnuðum átökum, ágúst 2004.